Kalli kayatattun hotuna daga nahiya mafi sanyi a Duniya


Ka taba jin labarin nahiyar da ake wata 3 rana bata fito ba? An yi ittifakin cewa nahiyar Antarctica ce guri mafi tsananin sanyi a Duniyar nan tamu, kuma itace nahiya ta 5 mafi girma a cikin nahiyoyin Duniya.

Wasu turawa masu binciken kimiyya sun je wannan nahiya inda suke bincike akan yanda take.

Daya daga cikinsu, idan bashi da aiki sosai yakan fito waje ya gwada girki tare da daukar kayatattun hotuna masu ban mamaki dan kuwa abincin daskarewa yake.

Ya bayyana cewa suna watanni 3 cur basu ga rana ba.

Yace kusan sukan hakura da cin abinci me dumi saidai me sanyi, a wadannan hotunan za’a iya ganin kwai be gama zubowa daga cikin kwansonshi ba ya daskare.

Boredpanda.



Source link

Karanta abinda APC tace akan maganar zargin karbar dalolin Ganduje


Bayan watsuwar hotunan bidiyon da gwamnan Kano, Dr. Abdullahi Umar Ganduje inda aka nunashi yana karbar dalolin Amurka wanda ake zargin cewa na cin hanci ne daya karba daga hannun ‘yan kwangila, kamar yanda Daily Nigerian ta ruwaito. Jam’iyyar APC ta bayyana matsayinta akan wannan lamari.

Premiumtimes ta ruwaito cewa ta tuntubi jam’iyyar APC dan ta ji me zata ce akan wannan magana kuma me magana da yawun jam’iyyar ya bayyana musu cewa magana na kotu dan haka ba zasu ce komai akan maganar dake gaban Alkali ba har sai an yanke hukunci tukuna.



Source link

Kalli bidiyo na 2 da aka nuna Gwamna Ganduje na karbar cin hanci


Bayan da ya saki hoton bidiyo na farko jiya, Lahadi, me shafin Daily Nigerian, Jafar Jafar ya sake sakin hoton bidiyo na biyu yau, Litinin dake nuna gwamnan Kano, Dr. Abdullahi Umar Ganduje na karbar cin hancin dalolin Amurka daga hannu  ‘yan kwangila.

Ga bidiyon:

Jafar Jafar dai ya bayyana cewa yana da irin wadannan bidiyo guda 15 wanda suka tabbatar da gwamnan ya karbi cin hancin.

Saidai gwamnatin Kano din ta karyata wannan magana sannan tace ta maka Jafar Jafar a Kotu.



Source link

Dan Ronaldo ya ci kwallo irin ta babanshi


Tauraron dan kwallon Juventus, Cristiano Ronaldo ya saka bidiyon danshi dake wasa tare da kungiyar kananan yara ta Juve din inda aka ganshi ya ci kwallo, jiya, Lahadi.

Masu iya magana na cewa kyan da ya gaji ubanshi, kusan hakane take shirin kasancewa da dan Ronaldon dan kuwa ya dauko hanyar gadon ubanshi.

Koda a kwanakin baya saida Ronaldon ya bayyanawa ‘yan Jarida irin yanda yake fatan dan nashi ya gaje shi.



Source link

Atiku ya je neman tabarruki gurin Jonathan




Source link

Gwamna Ganduje ya je rangadi wajan aikin gadar Sabon Gari


Wadannan kayatattun hotuna gadar sabon Gari ce dake Kano da ake kan ginawa, gwamnan jihar, Dr. Abdullahi Umar Ganduje ya je rangadi gurin aikin a yau, kamar yanda me taimaka mishi ta fannin kafafen sadarwa, Salihu Tanko Yakasai ya bayyana.

Gwamnatin Ganduje ta gaji wannan aikine daga gwamnatin Kwankwaso yayin da aikin ke matakin kashi 30 na kammalawa, zuwa watan gobe idan Allah ya yadda za’a kammala aikin wannan gada.



Source link

Muna nan kan bakan mu cewa APC ba za ta fafata a zabuka a jihar Zamfara ba>>Hukumar INEC


Hukumar Zabe mai zaman kanta ta jaddada matsayinta na cewa jam’iyyar APC ba za ta fafata a zabukan 2019 ba a jihar Zamfara.

Shugaban hukumar Mahmood Yakubu ne ya bayyana haka a taron wayar da kan masana game da yanayin zabe a yankin kasashen Afrika maso Yamma da aka yi a Abuja.

Mahmood ya ce ” Kamar yadda muka sanar wa jam’iyyar a kwanakin baya cewa sun yi sake har lokaci ya wuce basu iya gudanar da zaben fidda ‘yan takara na jam’iyyar a jihar ba wanda a dalilin haka hukumar bata shigar da sunan dan takara ko da daya ba daga jihar Zamfara a ofishin ta.

Mahmood ya ce wannan magana tananan daram bata canja ba.

Idan ba a manra ba hukumar Zabe, INEC ta haramta wa Jam’iyyar APC fitar da sunayen ‘yan takarar dukkan mukamai a zaben 2019, kamar yadda PREMIUM TIMES ta tabbatar da wannan rahoto na musamman a yau.

Hakan ya faru ne saboda jam’iyyar ta kasa cika ka’idojin wa’adin gudanar da zaben fidda-gwanin ‘yan takara ya zuwa ranar 7 Ga Oktoba, kamar yadda dokar zabe ta tanadar.

Hukumar tuni ta sanar da Shugaban Jam’iyyar APC, Adams Oshimhole wannan sanarwa, a cikin wata wasika da ta aika masa a ranar Talata, wacce PREMIUM TIMES ta ga wasikar da idon ta jiya Talata da yamma.

Jam’iyyar APC a jihar Zamfara dai ta shiga rikici ne bayan darewar da ta yi gida biyu, har abin ya kai su ga mummunan tashin hankalin da har tawagar gwamna Abdul’aziz Yari ya sha jifa daga hannun wasu hasalallun matasan jam’iyyar.

Rikicin dai ya taso ne daga bangaren gwamna da kuma na Sanata Kabiru Mafara.

Shi da Yari ya yi ta kokarin ko ta halin kaka ya ga cewa wanda ya ke so, Mukhtar Idris shi ne ya gaje shi a mulkin jihar Zamfara.

Wannan ne ya sa ya samu tirjiya daga bangaren Sanata Marafa, wadanda suka ki yarda da dauki dorar da Yari ya yi na dora Idris a matsayin dan takara ba tare da an yi zaben fidda gwani ba.

APC ta kasa ta rushe shugabannin jam’iyyar na jihar Zamfara, kuma ta umarci Yari, wanda shi ma dan takarar sanata ne, ya tsame hannun sa daga harkokin jam’iyyar kwata-kwata.

Wannan ne ya haifar da wata sabuwar rashin jituwa tsakanin Oshimhole da Mataimakin sa, Lawal Shu’aibu.

Bangaren Yari ya shirya zaben ‘yan takara da kan sa, inda uwar jam’iyya ta kasa ta ce ba ta amince da zaben ba.

Kwamitin shirya zaben da uwar jam’iyya ta kasa ta tura a jihar ya dawo da rahoton cewa bai samu damar shirya zabe a jihar ba.

A yanzu da INEC ta shaida wa Shugaban Jam’iyya, Adams Oshiomhole cewa kada ma ya bata lokacin aiko da sunayen ‘yan takarar kowane mukami daga jihar Zamfara, saboda ba a gudanar da zabe a cikin kayyadajjen lokacin da hukumar a gindaya ba.

INEC ta tunatar da Oshimhole cewa tun cikin watan Janairu, 2018 ta fitar da jadawalin hada-hadar zabe, wanda ta ce za a gudanar da zabukan fidda-gwani daga ranar 18 Ga Agusta zuwa 7 Ga Oktoba.

“Duk da wannan sanarwa da INEC ta fitar tun a farkon shekara, amma rahoton da ofishin INEC daga jihar Zamfara ya aiko mana ya nuna cewa ba a yi zaben fidda-gwani a jihar Zamfara ba. Duk kuwa da cewa mun tura wakilan mu shirye da nufin su je a yi zaben.

INEC ta ce a bisa hujjojin da ke shimfide a cikin Dokar Zabe ta 87 da ta 31 ta 2010, wanda aka yi wa kwaskwarima, “INEC ba ta jiran jam’iyyar ka ta kawo mata sunayen ‘yan takarar kowane mukamin siyasa daga jihar Zamfara.

“Bari mu kara yin dalla-dalla, jam’iyyar APC ba za ta shiga takarar zaben gwamna, zaben majalisar dattawa, na majalisar tarayya da na majalisar dokoki ba a jihar Zamfara, a 2019.”

Sakataren Riko na INEC, Okechukwu Ndeche ne ya sa wa wasikar hannu.

Wannan mataki da INEC ta dauka, ya bai wa jam’iyyar PDP babbar damar lashe zaben jihar zamfara a dukkan matakai.

Kuma wannan ne karo na farko da PDP za ta yi nasara a jihar, tun bayan dawowar mulkin dimokradiyya, cikin 1999.

Tuni dai PDP ta tsaida Bello Matawalle a matsayin dan takarar gwamnan jihar.



Source link

Majalisar jihar Kano za ta fara binciken bidiyon Ganduje


Majalisar dokokin jihar Kano da ke arewacin Najeriya ta kaddamar da kwamiti na mutum bakwai domin yin bincike a kan wasu jerin bidiyo da ke ikirarin nuna gwamnan jihar da karbar “cin hanci” daga wajen wasu ‘yan kwangila.

A makon da ya gabata ne jaridar Daily Nigerian da ke wallafa labaranta a intanet ta saki labarin da ke cewa wani gwamna a yankin arewa maso yammacin kasar wanda ke neman zarcewa a mulki karo na biyu, yana karbar makudan kudade a wajen wasu ‘yan kwangila.

A ranar Lahadi ne kuma mawallafin jaridar Ja’afar Ja’afar ya saki bidiyo na farko daga cikin kusan 15 da ya ce yana da su, a shafin jaridar tasa.

Sai dai gwamnatin jihar Kano ta musanta wannan zargi.

Wani dan majalisar dokoki da ke wakiltar karamar hukumar Warawa Alhaji Labaran Abdul Madari ne ya gabatar da bukatar a yi bincike kan lamarin duba da muhimmancinsa, inda kuma dan majalisa mai wakiltar mazabar birni da kewaye Alhaji Baffa Dan Agundi ya goyi bayan hakan.

Honorabul Madari ya nuna cewa alhakin majalisar ne yin bincike a kan duk wani lamari da ya shafi jihar da zai iya yin barazana ga zaman lafiyarta.

Shugaban Majalisar Kabiru Alhassan Rurum ya bukaci kwamitin ya yi bincike sosai kan batun ya kuma gabatar da rahotonsa cikin wata guda.

Shugaban masu rinjaye Honorabul Baffa Babba Dan Agundi ne zai jagoranci kwamitin, da kuma sauran mambobi Zubairu Massu da Garba Ya’u Gwarmai da Abdulaziz Garba Gafasa da Abubakar Uba Galadima da kuma Barista Mujitaba Aminu wanda zai zama sakataren kwamitin.

Mafi yawan ‘yan majalisar dai sun nuna goyon bayansu kan wannan bincike da za a yi.

Sai dai Honorabul Baffa Babba Dan Agundi ya bai wa gwamnatin jihar shawarar cewa ta dakatar da shigar da karar mawallafin Daily Nigerian da ta yi niyya, yana mai cewa majalisar dokokin jiha na da hurumin yin binciken al’amura irin wannan.

BBChausa.



Source link

Hutudole: labarai da hausa : Nafisa Abdullahi ‘yar kwalisa




Source link

Ba za mu canja Peter Obi a matsayin mataimakin Atiku ba>>PDP


Babbar jam’iyyar adawa a Najeriya PDP ta ce ba ta fuskantar matsin lamba bayan tsayar da Mista Peter Obi a matsayin dan takarar mataimakin shugabancin kasar a zaben 2019.

Ike Abonyi shi ne mai magana da yawun Shugaban jam’iyyar Uche Secondus kuma ya shaida wa BBC cewa jam’iyyar ba za ta sauya Peter Obi ba.

Wannan ya biyo bayan wani taro ne da shugabannin jam’iyyar da gwamnonin shiyyar kudu maso gabas wato yankin da Peter Obi ya fito suka yi, inda suka ce babu wani da ya tuntube su gabanin fitar da sunansa.

Mista Ike ya ce abin da gwamnonin suka fadi ba zai sa jam’iyyar ta sauya zabin da ta yi ba.

“Dan takarar shugabancin kasa ne da kansa yake zaben wanda zai rufa masa baya a zabe,” in ji shi.

Ya ci gaba da cewa: “Wannan ba magana ce da gwamnonin za su fito su fada wa duniya ba, magana ce da ta kamata a yi ta a asirce.”

BBChausa.



Source link