Kira don ceton jami′an Red Cross da Leah Sharibu | Labarai | DW


An shiga rudani da fargaba a garin Dapchi ganin cewa daga kowane lokaci mayakan Boko Haram na iya hallaka ma’aikatan jinya da ke aiki da kungiyar agaji ta Red Cross wanda suke garkuwa da su bayan cikar wa’adin da suka bayar na in ba a biya musu bukata ba za su hallaka su ya cika. Wannan ne ya sa hankalin iyayen Leah Sharibu da kawayenta da ma kuma sauran al’ummar garin Dapchi bayyana damuwa tare da yin roko ga gwamnatin Najeriya da kuma mayakan kungiyar da su yi dukkanin mai yiwuwa wajen ganin an ceto Leah da Hauwa Mohammed da Alice Loksha da ma sauran wadanda kungiyar ke garkuwa da su.

Boko Haram lässt entführte Mädchen frei (Reuters/O. Lanre)

Wasu daga cikin wadanda suka kubuta daga Boko Haram a garin Dapchi

Wata guda kenan da kungiyar Boko Haram ta hallaka Saifura Hussaini daya daga cikin ma’aikaciyar jinya da kungiyar ta kame a watan Maris tare da yin barazanar hallaka sauran ma’aikatan jinya da ma Leah Sharibu da suke garkuwa da su. 

Malama Rebecca Sharibu ita ce mahaifiyar Leah ba ta iya boye halin da take ciki a wannan lokaci ba yayin da take roko ga gwamnatin Najeriya. Malam Kachalla Bukar sakataren kungiyar iyayen da aka sace musu ‘ya‘ya a makarantar sakandaren Dapchi yana cikin masu wannan fata na ganin an sako yarinyar.

Tun a Lahadi ne dai kungiyar agaji ta ICRC ta roki gwamnatin Najeriya da kungiyar ta Boko Haram da su yi dukkanin mai yiwuwa wajen ganin an ceto Hauwa Mohammed da Alice Loksha domin komawa ga iyalansu kamar yadda Mamadu Sow jami’in hukumar ya bayyana a kafar sadarwar zamani ta kungiyar.



Source link

Za a yi bincike kan Cutar Ebola a Kwango | Labarai | DW


Kwararrun za su isa Kwangon ne kan batun a Larabar da ke tafe don tababatar da girman barazanar da ta halaka mutum 135 a arewacin yankin Kivu daga watan Agusta zuwa yau.

Cutukan da ake bayyana su a matsayin matsalolin gaggawa dai su ne wadanda aka hakikance cewa suna iya ratsa iyakoki cikin hanzari, da kuma ke bukatar matakin kasashen duniya a gaggauce.

A shekara ta 2014 ma an bayyana Ebolar a wannan matsayin lokacin da ta halaka dubban rayuka a wasu kasashen Afirka ta Yamma kamar yadda aka bayyana cutar Zika a shekara ta 2016.



Source link

Khashoggi: Turkiyya za ta yi bincike | Labarai | DW


A wannan Litinin ne ake sa ran masu bincike a Turkiyya, za su gudanar da aikinsu a ofishin jakadancin Saudiyya da ke birnin Istambul, a karon farko bayan bacewar dan jaridar nan Jamal Khashoggi.

Hakan na zuwa ne bayan wata tattaunawar da ta wakana ta wayar tarho tsakanin shugaban Turkiyya Racep Tayip Erdogan da kuma Yerima mai jiran gado na Saudiyya, Mohammad bin Salman.

Kimanin makonni biyu ke nan da bacewar Mr. Khashoggi, da ya shiga ofishin jakadancin Saudiyyar da ke Istambul, inda zargin kisan shi ke kan mahukuntan Saudiyya.

Tuni ma dai Amirka da ta yi bazaranr daukar mataki mai tsauri, ta shirya aike wa da ministan harkokin wajenta Mike Pompeo, zuwa Saudiyyar a kan wannan batu.



Source link

An sanar da lada kan attajirin Tanzaniya | Labarai | DW


Iyayen matashin attajirin nan da ya fi kowa kudi a gabashin Afirka Mohammed Dewji da aka sace a makon jiya, sun ce za su bayar da ladar kusan dala miliyan 450, ga duk wanda ya tsegunta musu ko kuma jami’an tsaro wajen da dan nasu yake.

Shi dai Mohammed Dewji an yi awon gaba da shi a ranar Alhamis da ta gabata, inda iyayen nasa ke cewa a wannan Litinin, za su bayar da makudan kudaden tare da boye sunan duk wanda ya sanar da su ko jami’an tsaron.

‘Yan sanda a birnin Dar es Salam, sun kama mutum 20 tare kuma nuna cewa suna ci gaba da bincike, kuma shugabansu a yankin Lazzaro Mambosasa, ya yi wa DW karin bayani.

‘Muna ci gaba da bincike don gano inda Mohammed Dewji yake. Daga bayanan da muke tattarawa, mun gano cewa Mohammed Dewji, bai wuce kwaryar Dar es Salam ba, kuma burin wadanda ke rike da shi, bai wuce batun kudin fansa ba ne’



Source link

Red Cross ta yi kira da a ceto jami′an agaji | Labarai | DW


A Najeriya a lokacin da ya rage kasa da awoyi 24 wa’adin da Kungiyar ta Boko Haram ta bai wa gwamnatin kasar na ta biya mata bukatunta ko kuma ta kashe ma’aikatan agajin nan guda biyu da take rike da su ya cika, kungiyar agajin kasa da kasa ta Redikros ta yi kira ga mahukuntan Najeriyar da su dauki duk matakan da suka dace domin ganin Kungiyar Boko Haram ta sako ma’aikatan.
 
Wannan na zuwa ne wata daya bayan da Kungiyar ta Boko Haram ta kashe wata jami’ar kiwon lafiya mai suna Saifura Hussaini Ahmed Khorsa wacce ta sace tare da jami’an agajin biyu a ranar daya ga watan Maris din da ya gabata a Arewa maso Gabashin kasar. 

A wani labarin na daban kuma wasu sojojin Najeriya biyu sun halaka a yayin da wasu tara suka jikkata a sakamakon tashin wata nakiya a kauyen Kumshe na kan iyaka da Kamaru da kuma a wata nakiyar da ta tashi kan hanyar da ta raba biranen Dikwa da Marte.



Source link

Sabanin Birtaniya da EU kan batun iyakar Ireland | Labarai | DW


Bangarori biyu na Kungiyar Tarayyar Turai da kasar Birtaniya suka kasa cimma daidaito a game da batun shata iyakar kasar Ireland bayan aiwatar da shirin ficewar Birtaniyar daga EU.  

Kasa cimma matsaya a wannan taro wanda ke zama na share fagyen taron kolin kasashen Turai na ranar Laraba mai zuwa ya sanyaya gwiwar bangarorin biyu a daidai lokacin da ya rage kasa da watanni shida wa’adin da aka tsaida na karkare shirin ficewar Birtaniyar daga kungiyar ta EU ya cika. 

Firaministar Birtaniya Theresa May za ta gudanar da taro da ministocinta a gobe Talata domin tattauna batun iyakar kasar ta Ireland da ke zama babban batun da ke kawo tarnaki a cikin tattaunawar da take da kungiyar ta EU da ma kuma a tsakanin mambobin gwamnatin Birtaniyar inda wasu ministocin suka fara yin barazanar yin murabus.   



Source link

Redikros ta yi kira da a ceto jami′an agaji | Labarai | DW


A Najeriya a lokacin da ya rage kasa da awoyi 24 wa’adin da Kungiyar ta Boko Haram ta bai wa gwamnatin kasar na ta biya mata bukatunta ko kuma ta kashe ma’aikatan agajin nan guda biyu da take rike da su ya cika, kungiyar agajin kasa da kasa ta Redikros ta yi kira ga mahukuntan Najeriyar da su dauki duk matakan da suka dace domin ganin Kungiyar Boko Haram ta sako ma’aikatan.
 
Wannan na zuwa ne wata daya bayan da Kungiyar ta Boko Haram ta kashe wata jami’ar kiwon lafiya mai suna Saifura Hussaini Ahmed Khorsa wacce ta sace tare da jami’an agajin biyu a ranar daya ga watan Maris din da ya gabata a Arewa maso Gabashin kasar. 

A wani labarin na daban kuma wasu sojojin Najeriya biyu sun halaka a yayin da wasu tara suka jikkata a sakamakon tashin wata nakiya a kauyen Kumshe na kan iyaka da Kamaru da kuma a wata nakiyar da ta tashi kan hanyar da ta raba biranen Dikwa da Marte.



Source link

Bukatar karin haske kan batan Khashoggi | Labarai | DW


A wata sanarwa ta hadin gwiwa da suka fidda a wannan Lahadin, kasashen uku suka ce ya zama dole a bayyana wanda ke da hannu wajen bacewar Khashoggi tare da daukar matakai na ladabtarwa.

Kasashen suka ce duniya ba za ta zuba idanu ta kallo ana yi wa ‘yan jarida da ‘yancin na fadin albarkacin baki karen-tsaye ba, wannan ne ma ya sanya suka ce suna goyon bayan gudanar da binciken hadin gwiwa da Saudiyya da Turkiyya din ke yi kan bacewar dan jaridar.

Turkiyya dai ta ce ta na zaton an kashe Jamal Khashoggi ne bayan da ya shiga ofishin jakadancin kasar tasa, zargin da Saudiyya din ta musanta.

 



Source link

CSU ta samu koma-baya a zaben jihar Bavaria | Labarai | DW


Sakataren jam’iyyar CSU mai mulki a jihar ta Bavaria Markus Blume ya bayyana cewar jam’iyyarsu ta rasa rinjayen da take da shi bayan sakamakon farko da ya fita na zaben gama-gari da aka yia  jiahar a wannan Lahadin.

Sakamakon dai ya nuna cewar jam’iyar ta CSU da Horst Seehofer ke jagoranta ta samu kashi 35.3 cikin 100 wanda ba karamin koma baya ne ga jam’iyyar a jihar wadda ke zaman inda ta fi karfi a kasar.

A daura da wannan koma-bayan da CSU din ta samu, ita kuwa jam’iyyar The Greens ta masu rajin kare muhalli ta samu cigaba ne domin kuwa sakamakon da ta samu na kashi 18.5 cikin 100 na yawan kuri’un da aka kada ba ta taba samunsa kwatankwacinsa ba a jihar.

A share guda jam’iyyar nan ta AfD da ke kin jinin baki ta samu kashi 10.9 cikin 100 yayin da jam’iyyar SPD ita kuma ta samu kashi 9.9 cikin 100 wadda hakan ita ma kamar CSU babban koma baya ne gareta duba da irin sakamakon da ta samu a zabuka shekarun baya.



Source link

Somaliya na tuni da mummunan hari shekara guda | Labarai | DW


Yayin da mutane suka hadu a wurin tuni da mutanen da suka rasu inda suka tsaya tsit na minti guda, mutumin da ake zargi da kitsa kai harin an aika shi lahari ta sanadin aikin jami’an tsaro kamar yadda Capt. Mumin Hussein mataimakin mai gabatar da kara a babbar kotun Somaliya ya tabbatar da kisan na Hassan Aden Isaq, karon farko karkashin gwamnatin Shugaba Mohamed Abdullahi Mohamed.

Hare-hare dai sun yawaita a kasar ta Somaliya inda kungiyar al-Qaida da ke da alaka da al-Shabab ke ikirari na hannunsu akai irin wadanna hare-hare. Sai dai muni da harin na ranar 14 ga watan Oktobar bara da ya yi al-Shabab ba ta yi ikirari na cewa itra ke da hannu wajen kai shi ba.

 



Source link